Hoe toets jy die effektiwiteit van jou kudde? In ons program van 1 November antwoord Derick le Roux van Xourel Limousins hierdie vraag. Hy verduidelik hoe vroulike effektiwiteit, aanpasbaarheid en die benutting van voer getoets word. Hy gesels ook oor suksesse wat behaal word deur gebruik te maak van die Limousin-beesras in kruisteel stelsels.
Leon van der Westhuizen, ook bekend as Leon die Melkman praat oor die beginsels van kaasmaak. Een daarvan is om vog uit te dryf en dan ‘kaas-blitong’ te maak. Wanneer daar gepraat word oor watter kulture gebruik word om kaas te maak, dan sê Leon dat jy die kultuur moet kies volgens jou metode en nie anders om nie. Vir voornemende kaasmakers is daar n goeie geleentheid om hul eie kaas te maak, hul het n spesiale aanbod op hul ‘kaasmaak- gereedskapkassies’ en hul inhoud. Dis n ideale Kersgeskenk.
Dr Ben Greyling, Senior Navorser by die LNR Diereproduksie kampus op Irene verduidelik wat die verskil tussen genomika en genetika is. Kortliks vergelyk hy dit met n legkaart, genetika is die legkaartstukkies en genomika is die volledige legkaart.